Түркістан облысы бойынша Ішкі мемлекеттік аудит департаменті 2026 жылдың І тоқсанында жүргізілген аудиторлық іс-шаралардың қорытындысына сәйкес, «Түркістан облысының ауыл шаруашылық басқармасы» мемлекеттік мекемесі бойынша заң бұзушылықтар анықталды. Аудиторлық тексеру барысында Басқармадан алынған мәліметтерге сәйкес (ветеринария саласындағы мамандардың анықтамалары), өнім берушілер «Kaz Meat Kordai» ЖШС-нен бөлек, «JS-Бірлік» ЖШС, «БАЙ-НҰР» ШҚ-нан Түркістан облысының кейбір аудандарына асыл тұқымды бұқалар келмегенін растаған. Ал, кейбір аудандардың ветеринария мамандары асыл тұқымды бұқалар келгенін, бірақ тиісті құжаттар рәсімделмеген. Сонымен қатар, АЖБ дерекқор базасында 2020 жылдары «Kaz Meat Kordai» ЖШС, «JS-Бірлік» ЖШС, «БАЙ-НҰР» ШҚ асыл тұқымды бұқалардың кіріс-шығысы тіркелмеген. Нәтижесінде, 863 462,8 мың теңге сомасында бұзушылықтар анықталды.
Бұл ретте, Қазақстан Республикасының 2002 жылғы 10 шілдедегі «Ветеринария туралы» №339 Заңының 32 бабының, Қазақстан Республикасының Ауыл шаруашылығы министрінің 2015 жылғы 30 қаңтардағы №7-1/68 бұйрығымен бекітілген «Ауыл шаруашылығы жануарларын бірдейлендіру қағидаларының» 16-тармағының талаптары және Қазақстан Республикасы Ауыл шаруашылығы министрінің 2019 жылғы 15 наурыздағы №108 бұйрығымен бекітілген «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларының» 10, 21, тармағындағы (202-2021 ж. редакцияда) субсидия алу шарттарының талаптары бұзылған.
Түркістан облысы бойынша Ішкі мемлекеттік аудит депаратаментінің әдеп жөніндегі уәкілі Ш.Нұрман
