Бүгін “Ауыл” партиясының Түркістан облысы бойынша өңірлік филиалы жанынан құрылған “Мейірім құшағы – әйелдер, балалар және отбасы істері жөніндегі” комиссиясының мүшесі Нұрғазина Биғайша Таутиқызы №1 саңырау балаларға арналған мектеп-интернатында болып қайтты.
Кездесу барысында мекеме ұжымымен маңызды мәселелер талқыланып, балалардың білім алуы мен тәрбиесіне қатысты өзекті тақырыптар жан-жақты қарастырылды. Одан кейін Биғайша Таутиқызы оқу сыныптарын, жатын және тамақтану орындарын аралап, ондағы жағдаймен жақын танысты.
Ізгілікке толы бұл сапар балаларға деген мейірім мен қолдаудың белгісі ретінде кішкентай тәрбиеленушілерге арнайы әкелінген сыйлықтарды тарту етумен аяқталды.
Балалардың жүзіндегі қуаныш — ең үлкен алғыс. Мейірім мен қамқорлық жасай білейік.
