Сайрам ауданы, Ақсукент ауылында “Ауыл” партиясының Түркістан облысы бойынша өңірлік филиалы жанынан құрылған “Мейірім құшағы” әйелдер, балалар және отбасы істері жөніндегі комиссиясының мүшесі Тінәлiева Гүлзира Серікқызы нәзік жандылармен отбасы құндылықтары тақырыбында мазмұнды дөңгелек үстел өткізді.
Кездесу барысында әйел аналардың қоғамдағы рөлі, ұлттық тәрбие, отбасылық бірлік пен жарасымдылықты сақтаудың маңызы кеңінен талқыланды. Қатысушылар өзара пікір алмасып, отбасы институтын нығайтуға бағытталған ұсыныстарын ортаға салды.
Осындай шаралар – қоғамның ынтымағын арттырып, жас ұрпаққа дұрыс бағыт беретін маңызды қадам.
Берекелі отбасы – мықты мемлекет негізі!
