Төлеби ауданында туризмді дамытуға ерекше көңіл бөлініп келеді. Басшылардың айтуынша 2030 жылға дейін ауданда өнеркәсіп 2,3 есеге, ауыл шаруашылығы 2,5 есеге, құрылыс 1,5 есеге, сауда 2,9 есеге, туризм саласындағы көрсеткіштер 3,7 есеге артпақ. Жалпы ауданда 2024 - 2030 жылдары туризмді дамыту үшін жалпы құны 78,1 миллиард теңге болатын 23 жобаны іске асыру көзделіп отыр. Жоспар бойынша жаңа туристік және демалыс орындары ашылады.
Ауданда жұмыс істеп тұрған демалыс нысандарының ішінде демалушылардың сүйікті орнына айналған нысанның бірі - “Asemtau” демалыс аймағы. Бұл - шіліңгір шілденің аптап ыстығында салқындауға, уақытты керемет өткізуге таптырмас орын. Алатау ауылдық округіндегі екпінді ауылында жайғасқан бұл мекеннің қонақтары жыл санап артып келеді. Өңірдің туризмін дамытуға үлесін қосып отырған нысан келушілерге жоғары деңгейде қызмет көрсетіп келеді.
«Әсем тауда»: жанға жайлы коттедждер, табиғатты тамашалап, таза ауамен тыныстауға ыңғайлы тапшандар , суы таза бассейн, позитивті ұнататындар үшін би алаңы бар. Демалыс орнында балалар үшін де барлық жағдай жасалған. Айталық ойын алаңшасы, әткеншек, сырғанақ т.б.
Күйбең тірліктен бір сәтке ұмытып, таудың таза ауасын жұтқыңыз келсе, “Asemtau”-ға келіңіз!
