2050 жылға қарай тағы 80 миллион адам аштыққа ұшырауы мүмкін, деп мәлімдеді БҰҰ-ның Адам құқықтары жөніндегі Жоғарғы комиссары Фолькер Тюрк, деп хабарлайды Анадолыға сілтеме жасаған ҚазАқпарат.
X платформасында жариялаған жазбасында Тюрк әлемдегі әрбір оныншы адамның аштыққа тап болатынын атап өтті.
— Климаттың өзгеруі 2050 жылға дейін тағы 80 миллион адамды аштыққа ұшыратуы мүмкін, — деп жазды ол.
Оның айтуынша, бұл мәселе азық-түліктің жетіспеушілігімен емес, тамақты қолжетімсіз, қымбат әрі теңгерімсіз ететін жүйелермен байланысты.
— Бізге теңдікке, тұрақтылыққа және адам құқықтарына негізделген азық-түлік және жер пайдалану жүйелері қажет, — деді Тюрк.
