Тау етегінде орналасқан Төлеби ауданының табиғаты туризмге сұранып-ақ тұр. Бүгінде бұл мүмкіндікті аудан басшылығы да, ауыл тұрғындары да игілікке пайдалануда. Әсем табиғаттың сыйын одан әрмен туризммен дұрыс үйлестіре білсе Төлеби ауданы облыстың ғана емес республиканың басты туристік аймағына айналатынына күмән жоқ. Қазір ауданда 300-ге тарта демалыс аймақтары туристер мен демалушылар үшін қызмет көрсетуде.
Солардың бірі Біркөлік шатқалында орналасқан - «Нұрлы аймақ» демалыс орны сізге ұнайтыны анық. Себебі мұнда: барлық жайлылығы қарастырылған коттедждер, ересектермен балаларға арналған бассейн, дәмі тіл үйіретін тағам әзірлейтін мейрамхана, түрлі мерекелік кештерді өткізуге арналған банкет залы бар.
Әсем ғимаратта сіз кішігірім туған күн секілді мерекелерден бастап үлкен тойларға дейін қызықты, сапалы етіп өткізуге жағдай жасалған. Мәселен тойға қажетті музыкалық аппаратура тіпті тамадасы да дайын. «Нұрлы аймақ» әсіресе балалардың шат-шадыман күліп, ойнауына ерекше қолайлы. Өйткені демалыс орны балалар мерекесін жоғары деңгейге ұйымдастырып береді.
Сонымен қатар сіз тимбилдингке арналған фитнес бағдарламаға тапсырыс бере аласыз. Ал спортқа қызығатындар үшін мұнда баскетбол, волейбол, футбол т.б спорттық ойындарға арналған үлкен алаңдар бар.
